საქართველოს ბუნების მკვლევართა კავშირი „ორქისი" || Georgian Society of Nature Explorers "Orchis"
+995 599 77 52 37 ; +995 (032) 2 38 51 99
საქართველოს ბუნების მკვლევართა კავშირს „ორქისი“ აქვს პატივი წარმოგიდგინოთ ნაშრომი „სტიქიური ნაგავსაყრელების გავლენა გარემოზე და მათი რემედიაციის გზები (2019-2021 წწ)“ რომლის ავტორია დოქტორი ნუგზარ ბუაჩიძე – სბმკ „ორქისი“-ს გარემოს მონიტორინგის მთავარი ექსპერტი
საქართველოს ბუნების მკვლევართა კავშირს „ორქისი“ აქვს პატივი წარმოგიდგინოთ ნაშრომი „სტიქიური ნაგავსაყრელების გავლენა გარემოზე და მათი რემედიაციის გზები (2019-2021 წწ)“ რომლის ავტორია დოქტორი ნუგზარ ბუაჩიძე – სბმკ „ორქისი“-ს გარემოს მონიტორინგის მთავარი ექსპერტი.
ნაშრომში აღწერილია ის სამუშაოები რომელიც 2019-2021 წ.წ. სბმკ „ორქისი“-ს ჯგუფთან ერთად ჩაატარა ავტორმა; კერძოდ, საქართველოს ზოგიერთი რეგიონის მუნიციპალიტეტის ტერიტორიებზე (რეგიონები: კახეთი, შიდა ქართლი, სამცხე-ჯავახეთი, ქვემო ქართლი, მცხეთა-მთიანეთი) განლაგებული სტიქიური ნაგავსაყრელების ნიადაგის ნიმუშების ქიმიური ანალიზი (Pb, Cu, Zn, Cd და Hg-ის განსაზღვრა) და მიღებული შედეგების საფუძველზე, ყველაზე უფრო დაბინძურებული და თვალსაჩინო ნაგავსაყრელების მოსუფთავება-რემედიაცია ქართული სორბენტის (ცეოლიტის) გამოყენებით, რაც თავისთავად გულისხმობს სტიქიური ნაგავსაყრელების ნიადაგის ხარისხის გაუმჯობესებას და მის შემდგომ გამწვანებას.
ნარჩენების უკანონო დაყრა უმეთვალყურეოდ დარჩენილ ადგილებში იწვევს სტიქიური ნაგავსაყრელების წარმოქმნას. ამ ტიპის ნაგავსაყრელებზე ჩვეულებრისამებრ შეიძლება მოხვდეს მთელი რიგი მასალებისა და საგნებისა როგორებიცაა – ბატარეები, ელექტროტექნიკის საგნები, კონდიციონერები, და სხვადასხვა საოჯახო ნივთები, რომლთა შემადგენლობაში ხშირად შედის სხვადასხვა ტიპის დამაბინძურებელი კომპონენტები. ასევე, სამწუხაროდ, სტიქიურ ნაგავსაყრელებზე ხშირად გვხდება ისეთი სახიფათო საგნებიც, როგორებიცაა აზბესტი, საბურავები, ვერცხლისწყლიანი თერმომეტრები (ქვეყანაში სახიფათო ნარჩენებისთვის განკუთვნილი პოლიგონების არ არსებობის გამო) და სხვა. ამ უკანონო დაყრამ შეიძლება უარყოფითი გავლენა იქონიოს ადამიანების ჯამრთელობაზე და საერთოდ, გარემოზე.
მოცემულ ნაშრომში წარმოდგენილი და შეფასებულია სტიქიური (არაკონტროლირებადი) ნაგავსაყრელების ტერიტორიაზე მოხვედრილი ზოგიერთი მძიმე ლითონის როლი მიმდებარე ტერიტორიების დაბინძურების ხარისხზე. ამ მიზნით 2019-2021 წწ. სბმკ „ორქისის“ სამუშაო ჯგუფის მიერ ხდებოდა ყველაზე უფრო თვალსაჩინო ნაგავსაყრელების როგორც შიდა, ასევე მიმდებარე ტერიტორიებიდან, ნიადაგისა და წყლის საანალიზო ნიმუშების აღება, რომლებიც იგზავნებოდა საქართველოს წამყვან აკრედიტირებულ ლაბორატორიებში, სადაც ხდებოდა მათში ზოგიერთი მძიმე ლითონების შემცველობების განსაზღვრა.
კვლევებმა დაგვანახეს, რომ სტიქიური ნაგავსაყრელების ტერიტორიების ნიადაგის დაბინძურების ხარისხი ჩვენს მიერ შემოთავაზებული ქართული სორბენტის -ცეოლიტის გამოყენებით, ხშირ შემთხვევაში იცვლება კლებადობისკენ, კერძოდ ჩვენ შემთხვევაში ნიადაგის შემადგენლობაში მკვეთრად შემცირდა ისეთი მძიმე ლითონების კონცენტრაციები როგორებიცაა Cu, Zn, Pb. ნაგავსაყრელის ნიადაგის რემედიაციის პროცესი სრულდება მოცემულ ტერიტორიაზე იმ მცენარეების დარგვით, რომლებიც საკმაოდ დიდ როლს თამაშობენ ფიტორემედიაციის პროცესში და რის შემდგომაც არსებობს რეალური ალბათობა იმისა რომ სტიქიური ნაგავსაყრელის მაგივრად, მივიღოთ ორჯერადად გასუფთავებული გამწვანებული ტერიტორიები.
ნაშრომი მომზადდა საქართველოს ბუნების მკვლევართა კავშირი „ორქისი“ მიერ პროექტის „დავიცვათ საქართველოს სისუფთავე“ ფარგლებში, რომელიც ხორციელდება შვედეთის მთავრობის ფინანსური მხარდაჭერით.