საქართველოს ბუნების მკვლევართა კავშირი „ორქისი" || Georgian Society of Nature Explorers "Orchis"
+995 599 77 52 37 ; +995 (032) 2 38 51 99
მცხეთა-მთიანეთის რეგიონის თიანეთის მუნიციპალიტეტში სტიქიური ნაგავსაყრელების ტერიტორიების ნიადაგის ბიორემედიაციის აქცია
2020 წლის 13 ოქტომბერს მცხეთა-მთიანეთის რეგიონის დაბა თიანეთში (2 ლოკაციაზე), პროექტის „დავიცვათ საქართველოს სისუფთავე“ ფარგლებში, ბუნების მკვლევართა კავშირის – „ორქისის“ ინიციატივით, ჩატარდა სტიქიური ნაგავსაყრელების ტერიტორიების ნიადაგის ბიორემედიაციის აქცია.
აქციის ფარგლებში მოხდა, თიანეთში ცენტრალური საავტომობილო გზის სიახლოვეს და მდ. იორზე არსებული ხიდის მიმდებარე ტერიტორიებზე არსებული სტიქიური ნაგავსაყრელებიდან დაბინძურებული ნიადაგის ნიმუშების აღება ქიმიური ანალიზისთვის, შემდგომ დასუფთავება და ამ ტერიტორიების ნიადაგის ბიორემედიაცია საქართველოში არსებული იაფი ნედლეულის – კლინოპტილოლითის მეშვეობით, რომლის ნაგავსაყრელის ნიადაგთან შერევის შედეგად (გარკვეული დროის პერიოდში) მოცემული ნიადაგის ხარისხი და ქიმიური შემადგენლობა უმჯობესდება, რაც შემდგომში საშუალებას გვაძლევს ამ ტერიტორიის გამწვანების და მასზე სხვადასხვა ნერგების განთავსება-დარგვის. შედეგად, არა მხოლოდ მოსუფთავებულ, არამედ აღდგენილ ტერიტორიას ვიღებთ.
პროექტის „დავიცვათ საქთველოს სისუფთავე“ მიზნებია გარემოს დაცვის საკითხებში გაცნობიერებული თაობის აღზრდა და მუნიციპალური ნარჩენებით დაბინძურების (40%) და სათბურის აირების გაფრქვევების (10%) შემცირება საქართველოში ასევე სამიზნე ტერიტორიების დაბინძურებულ ნიადაგში მძიმე ლითონების შემცველობის შემცირება 10%-ით, 2023 წლისთვის.
პროექტს – „დავიცვათ საქართველოს სისუფთავე“- ახორციელებს არასამთავრობო ორგანიზაციათა კონსორციუმი: საქართველოს ბუნების მკვლევართა კავშირი „ორქისი”, დავიცვათ საქართველოს სისუფთავე და საქართველოს მწვანეთა მოძრაობა/დედამიწის მეგობრები–საქართველო, შვედეთის მთავრობის ფინანსური უზრუნველყოფით.