პროექტი „დავასუფთაოთ საქართველო“ (IIIფაზა) შეხვედრები სიღნაღისა და ლაგოდეხის მუნიციპალიტეტებში

2017 წლის 16 თებერვალს საქართველოს ბუნების მკვლევართა კავშირის – „ორქისის“ მიერ მოეწყო შეხვედრები სიღნაღისა და ლაგოდეხის მუნიციპალიტეტებში, რომლებსაც     ესწრებოდნენ: სიღნაღის მუნიციპალიტეტის გამგებლის მოადგილე, შ.პ.ს. „კომუნალური სამსახურის ” დირექტორი, მისი მოადგილე, აღნიშნული   მუნიციპალიტეტების გამგეობისა და საკრებულოს,  შეზღუდული პასუხისმგებლობის საზოგადოებების , არასამეწარმეო(არაკომერციული) იურიდიული პირების  სხვა  წარმომადგენლები.

შეხვედრებზე განხილული იქნა შემდეგი საკითხები: ნარჩენების მართვა საქართველოში, საკანონმდებლო მოთხოვნები; ნარჩენების მართვის საერთაშორისო ვალდებულებები და ევროპული გამოცდილება; ნარჩენების მართვის დაგეგმვა; საქართველოში არსებული სტიქიური ნაგავსაყრელების გავლენის შეფასება მიმდებარე ტერიტორიების ეკოსისტემების მდგომარეობაზე და მოსახლეობის ჯანმრთელობაზე . შეხვედრებმა მონაწილეებს შორის დიდი ინტერესი გამოიწვიეს, რაც ადასტურებს საზოგადოების მოთხოვნას ცხოვრობდეს სუფთა გარემოში და აქტიური მონაწილეობა მიიღოს ნარჩენებთან დაკავშირებული პრობლემების გადაჭრის საკითხებში.

პროექტს – „დავასუფთაოთ საქართველო“- ახორციელებს არასამთავრობო ორგანიზაციათა კონსორციუმი: საქართველოს ბუნების მკვლევართა კავშირი ”ორქისი”, „საქართველოს მწვანეთა მოძრაობა/დედამიწის მეგობრები–საქართველო“ და „ეკოლოგიური ცნობიერების ამაღლება და ნარჩენების მართვა“ შვედეთის მთავრობის ფინანსური უზრუნველყოფით, საქართველოს გარემოსა და ბუნებრივი რესურსების დაცვის სამინისტროს მხარდაჭერით, შ.პ.ს. „საქართველოს მყარი ნარჩენების მართვის კომპანიასთან“ თანამშრომლობით.