Эта страница не доступна на русском языке.


საქართველოს ბუნების მკვლევართა კავშირი „ორქისი"
Georgian Society of Nature Explorers "Orchis"

პროექტი „დავასუფთაოთ საქართველო“ (IIIფაზა) ნარჩენების მართვასთან დაკავშირებული პრობლემები მცხეთა-მთიანეთის რეგიონში

საქართველოს ბუნების მკვლევართა კავშირის - „ორქისის“ მიერ ჩატარდა შეხვედრები მცხეთა-მთიანეთის რეგიონის მცხეთის, დუშეთის, თიანეთის, ყაზბეგის მუნიციპალიტეტებში, სადაც გამოიკვეთა, რეგიონისთვის დამახასიათებელი, ნარჩენების მართვასთან დაკავშირებული შემდეგი პრობლემები:

1)        ინფორმაციის ნაკლებობა საყოფაცხოვრებო ნარჩენებთან დაკავშირებული საერთაშორისო ვალდებულებებისა და საკანონმდებლო ჩარჩოს შესახებ მუნიციპალიტეტის დონეზე;

2)        ინფორმაციის ნაკლებობა: მოქმედი ნარჩენების გადამამუშავებელი საწარმოების შესახებ, ნარჩენების გადამამუშავებელი თანამედროვე ტექნოლოგიებისა და მათი დანერგვის შესაძლებლობის შესახებ საქართველოში;

3)        ქვეყანაში, მუნიციპალური ნარჩენების სექტორში მიმდინარე და დაგეგმილი საქმიანობის შესახებ ინფორმაციის ნაკლებობა;

4)        წყაროზე ნარჩენების სეპარაციის პრობლემა და აღნიშნულ საკითხთან დაკავშირებული საკანონმდებლო და ფინანსური საკითხები (ნაგავმზიდებისა და კონტეინერების არასაკმარისი რაოდენობა);

5)        ნარჩენებით დანაგვიანებასთან დაკავშირებით არსებული საკანონმდებლო სანქციების (ჯარიმების) აღსრულების აუცილებლობა;

6)        სახიფათო საოჯახო (მათ შორის  სამედიცინო) ნარჩენების მართვასთან დაკავშირებით არსებული პრობლემები;

7)        რეგიონის მუნიციპალიტეტებში არ საკმარისი ადამიანური და ტექნიკური რესურსები-შესაძლებლობის გაძლიერების აუცილებლობა მუნიციპალური ნარჩენების მართვის 5 წლიანი გეგმის შემუშავებაზე;

8)        სეზონზე (რეკრიაციულ ზონაში) ნარჩენების  რაოდენობის მკვეთრი ზრდა და დანაგვიანების პრობლემები, სამშენებლო და საყოფაცხოვრებო ნარჩენების სტიქიური ნაგავსაყრელების არსებობა;

9)       საყოფაცხოვრებო ნარჩენების მართვასთან დაკავშირებით მოსახლეობის,  დამსვენებლების, ტრანზიტით გამვლელი მძღოლების (მათ მიერ ნარჩენების დაყრის პრობლემა) ინფორმირებულობისა და ცნობიერების არსაკმარისი დონე, საინფორმაციო მასალის მომზადებისა და გავრცელების აუცილებლობა.  

პროექტს - „დავასუფთაოთ საქართველო“- ახორციელებს არასამთავრობო ორგანიზაციათა კონსორციუმი: საქართველოს ბუნების მკვლევართა კავშირი ”ორქისი”, „საქართველოს მწვანეთა მოძრაობა/დედამიწის მეგობრები–საქართველო“ და „ეკოლოგიური ცნობიერების ამაღლება და ნარჩენების მართვა“ შვედეთის მთავრობის ფინანსური უზრუნველყოფით, საქართველოს გარემოსა და ბუნებრივი რესურსების დაცვის სამინისტროს მხარდაჭერით, შ.პ.ს. „საქართველოს მყარი ნარჩენების მართვის კომპანიასთან“ თანამშრომლობით.