საქართველოს ბუნების მკვლევართა კავშირის - „ორქისის“ მიერ ჩატარდა შეხვედრები რაჭა-ლეჩხუმ-ქვემო სვანეთის  რეგიონის ონის, ამბროლაურის, ცაგერის, ლენტეხის მუნიციპალიტეტებში, სადაც გამოიკვეთა, რეგიონისთვის დამახასიათებელი, ნარჩენების მართვასთან დაკავშირებული შემდეგი პრობლემები:

1)        რეგიონის ზოგი მუნიციპალიტეტის (ლენტეხი)  სტრუქტურულ ქვედანაყოფებში არ არის გარემოს დაცვის / დაბინძურების მაკონტროლებელი სამსახური მაგალითად,  ზედამხედველობის, რაც ქმნის კანონაღსრულების პრობლემებს;

2)        ისტორიული სამრეწველო დაბინძურების კერების არსებობა  (დარიშხანის შემცველი საწარმო ნარჩენები) და გარემოს (მდინარე  ცხენისწყალი) დაბინძურების პრობლემები;

3)        ინფორმაციის ნაკლებობა ნარჩენების მართვის სექტორში დონორი ორგანიზაციებისა და საფინანსო ინსტიტუტების შესახებ;

4)        ახალი რეგიონული ნაგავსაყრელების მშენებლობის შესახებ ინფორმაციის ნაკლებობა. კერძოდ რა იქნება იმერეთის რეგიონულ ნაგავსაყრელზე ლენტეხის მუნიციპალიტეტის ნარჩენების განთვსების ხარჯ-ეფექტური გადაწყვეტილება;

5)        მუნიციპალიტეტის შესაძლებლობის გაძლიერების აუცილებლობა პროექტების შემუშავებასა და მართვაში;

6)        ნარჩენების გადამამუშავებელი საწარმოების (მაგალითად, პლასტიკის, ქაღალდის მინის გადამამუშავებელი) საკონტაქტო ინფორმაციის ნაკლებობა;

7)        ტურისტებისათვის ისევე, როგორც მოსახლეობისათვის  ნარჩენების განთავსების (კონტეინერების) ხელმისაწვდომობის უზრუნველყოფის აუცილებლობა;

8)        სამშენებლო  ნარჩენების განთავსებასთან დაკავშირებული პრობლემები;

9)        მუნიციპალიტეტში საყოფაცხოვრებო ნარჩენების სერვისის ტარიფის დაანგარიშების ეფექტიანი მეთოდოლოგიის არქონის პრობლემა, სერვისის მიწოდების პრობლემა  და გადასახადის გადახდისუნარიანობის დაბალი დონე სოფლებში;

10)    სურსათის უვნებლობისა (მაღაზიებში არსებული პროდუქტის ხარისხის) და ცხოველური ნარჩენების (ხორცი, საქონლის ნარჩენების) განთავსების პრობლემები;

11)     მუნიციპალიტეტებში სეპარციის სისტემის არქონასთან დაკავშირებული პრობლემები (ნარჩენების ღია წვის შემთხვევები მოსახლეობის მიერ, ადმინისტრაციულ ცენტრში საქონლის გადაადგილებისა და გარემოს დაბინძურების პრობლემები);

12)    კომუნიკაციის ნაკლებობა ცენტრალურ და ადგილობრივ ხელისფლებასა და  მოსახლეობას შორის ნარჩენების მართვის საკითხებზე;

13)    ნარჩენების მართვის საკითხებში ადგილობრივი მოსახლეობის ინფორმირებულობისა და ცნობიერების არასაკმარისი დონე. მათი ჩართულობის და ინფორმირებულობის აუცილებლობა;

14)    საინფორმაციო კამპანიების ჩატარების აუცილებლობა, განსაკუთრებით საკურორტო სეზონის დროს (ზაფხულში).

პროექტს - „დავასუფთაოთ საქართველო“- ახორციელებს არასამთავრობო ორგანიზაციათა კონსორციუმი: საქართველოს ბუნების მკვლევართა კავშირი ”ორქისი”, „საქართველოს მწვანეთა მოძრაობა/დედამიწის მეგობრები–საქართველო“ და „ეკოლოგიური ცნობიერების ამაღლება და ნარჩენების მართვა“ შვედეთის მთავრობის ფინანსური უზრუნველყოფით, საქართველოს გარემოსა და ბუნებრივი რესურსების დაცვის სამინისტროს მხარდაჭერით, შ.პ.ს. „საქართველოს მყარი ნარჩენების მართვის კომპანიასთან“ თანამშრომლობით.