საქართველოს ბუნების მკვლევართა კავშირის - „ორქისის“ მიერ ჩატარდა შეხვედრები შიდა ქართლის რეგიონის - გორის, ქარელის, კასპის, ხაშურის მუნიციპალიტეტებში, სადაც გამოიკვეთა, რეგიონისთვის დამახასიათებელი, ნარჩენების მართვასთან დაკავშირებული შემდეგი პრობლემები:

·          ნარჩენების მართვის სისტემის გაუმართაობა - მოსახლეობა არ არის  უზრუნველყოფილი შესაბამისი რაოდენობის კონტეინერებითა და  ნაგავმზიდებით;

·          სოფლად მცხოვრები მოსახლეობის საყოფაცხოვრებო ნარჩენების  შეგროვებასთან დაკავშირებული პრობლემები, სტიქიური ნაგავსაყრელების არსებობა ;

·          სამშენებლო ნარჩენების მართვის პრობლემა;

·          რეგიონში გამავალ ცენტრალურ საგზაო მაგისტრალის მიმდებარედ საყოფაცხოვრებო ნარჩენებით გარემოს დაბინძურების პრობლემა;

·          ბიოლოგიური მასით, ნაკელით გარემოს დაბინძურების პრობლემა;

·          ნარჩენების სეპარაციის აუცილებლობა და ინფორმაციის ნაკლებობა ნარჩენების გადამამუშავებელი  საწარმოების შესახებ;

·          სანქციებთან დაკავშირებით (ჯარიმები) კანონაღსრულების პრობლემები;

·          ინფორმაციის ნაკლებობა მოქმედი მუნიციპალური ნარჩენების ნაგავსაყრელების მდგომარეობის შესახებ (გორისა და ხაშურის არსებული ნაგავსაყრელები);

·          საყოფაცხოვრებო სახიფათო ნარჩენების მართვის პრობლემა;

·          ინფორმაციის ნაკლებობა ახალი თანამედროვე ტექნოლოგიებისა და ინვესტიციების მოზიდვის შესაძლებლობების შესახებ;

·          ნარჩენების მართვის სფეროში ინფორმაციის მიმოცვლის გაუმჯობესების აუცილებლობა  ადგილობრივ და ცენტრალურ უწყებებს შორის;

·          ინფორმაციის ნაკლებობა დონორი ორგანიზაციების შესახებ, რომლებიც ნარჩენების მართვის სფეროში მოღვაწეობენ;

·          მოსახლეობის ფართო მასების ცნობიერების ამაღლების ღონისძიებების ჩატარების აუცილებლობა, ნარჩენების მართვის საკითხებზე საინფორმაციო მასალის (ლიფლეტები, ბუკლეტები, ბანერები) მოსახლეობისათვის ,   სკოლებისათვის მიწოდების საჭიროება. სკოლის მოსწავლეებისათვის თემატური გაკვეთილების  ჩატარების აუცილებლობა.

პროექტს - „დავასუფთაოთ საქართველო“- ახორციელებს არასამთავრობო ორგანიზაციათა კონსორციუმი: საქართველოს ბუნების მკვლევართა კავშირი ”ორქისი”, „საქართველოს მწვანეთა მოძრაობა/დედამიწის მეგობრები–საქართველო“ და „ეკოლოგიური ცნობიერების ამაღლება და ნარჩენების მართვა“ შვედეთის მთავრობის ფინანსური უზრუნველყოფით, საქართველოს გარემოსა და ბუნებრივი რესურსების დაცვის სამინისტროს მხარდაჭერით, შ.პ.ს. „საქართველოს მყარი ნარჩენების მართვის კომპანიასთან“ თანამშრომლობით.