Эта страница не доступна на русском языке.


საქართველოს ბუნების მკვლევართა კავშირი „ორქისი"
Georgian Society of Nature Explorers "Orchis"

პროექტის შესახებ

 პროექტის მიზნები

პროექტის მიზანია, ხელი შეუწყოს ნარჩენების პრობლემის მოგვარებას მათი მართვისა და საზოგადოების ინფორმირებულობის ამაღლების გზით. 3R სისტემების დანერგვითა და თანამედროვე მეთოდების გამოყენებით.

(3R სისტემა ნიშნავს: Reduce - შემცირება; Reuse - ხელახალი გამოყენება; Recycle - რეციკლირება ანუ გადამუშავება)


პროექტის აღწერა

შემოთავაზებული პროექტის ფარგლებში განხორციელდება შემდეგი:

  1. საზოგადოების მობილიზება კამპანია "დაასუფთავე მსოფლიო"-ს განსახორციელებლად და გლობალურ გარემოსდაცვით რუკაზე საქართველოს განსათავსებლად;
  2. საზოგადოების ინფორმირებულობის ამაღლება - ნარჩენების მართვის თანამედროვე მიდგომების, 3R სისტემების, უახლესი მეთოდოლოგიის, სხვა ქვეყნების გამოცდილების, ახალი უნარ-ჩვევებისა და ნარჩენების შემცირების გზების შესახებ. აგრეთვე ნარჩენების ხელახალი გამოყენებისა და გადამუშავების ბიზნესის ჩამოსაყალიბებლად.

ოსალოდნელი შედეგები
  1. დაბინძურებული ტერიტორიების ფართობების, ნარჩენების რაოდენობისა და კატეგორიის დადგენა;
  2. ნარჩენების პრობლემის პოპულარიზაცია საზოგადოებაში;
  3. საზოგადოების ცნობიერების ამაღლება;
  4. მოსახლეობის 50% ინფორმირება ნარჩენების პრობლემების შესახებ;
  5. 112 პირის ტრეინინგი ნარჩენების მართვის საკითხებში;
  6. მოსახლეობის მონაწილეობის გააქტიურება ნარჩენების მართვის მუნიციპალურ საქმიანობაში;
  7. "დაასუფთავე მსოფლიო" კამპანიის დაწყება;
  8. მყარი ნარჩენებით დაბინძურებული ტერიტორიების შემცირება;
  9. ვინაიდან გასაწმენდი მონაკვეთების უმრავლესობა მდებარეობს მდინარის ჭალებში, განხორციელებული საქმიანობა გამოიწვევს მდინარეთა დაბინძურების შემცირებასა და წყლის ხარისხის მნიშვნელოვან გაუმჯობესებას;
  10. ბიო-აღდგენისა და გატყიანების შედეგად, დასუფთავებულ ტერიტორიებზე შემცირდება სათბური აირის ემისიები;
  11. საქართველოში 10 %-ით შემცირდება მყარი ნარჩენებით დაბინძურებული ტერიტორიების ფართობი;
  12. მოსახლეობის მაქსიმალური მობილიზებისა და ინფორმირებულობის გზით, საზოგადოებაში გაჩნდება საყოფაცხოვრებო ნარჩენების შემცირებისა (მინიმიზაცია) და გადამუშავების (სეპარაციის) მოთხოვნილება, რაც თავის მხრივ შექმნის ახალ ბიზნესის წამოწყების პერსპექტივებს;
  13. ბიზნესის სფეროს წარმომადგენლები ინფორმირებული იქნებიან ნარჩენების მართვის საუკეთესო პრაქტიკის შესახებ;
  14. ზოგიერთი კერძო კომპანია განახორციელებს ბიზნეს შემოთავაზებების დახვეწას;
  15. ბიზნესის სექტორის წარმომადგენლები აქტიურად ჩაერთვებიან ნარჩენების მართვის პრობლემების გადაწყვეტაში და სტიმული მიეცემათ საკუთარი ბიზნესის გასაფართოებლად ნარჩენების მართვის კუთხით.